Serokwezîrê Îsraîlê Benyamîn Netanyahu “banga neteweyî” kir. Netanyahu, îdia kir ku piştî kuştina Sekreterê Giştî yê Hîzbullahê Hasan Nasrallah, Îranê lez daye bernameya xwe ya nukleerê û got: “Diviyabû em jî biketina nava tevgerê. Min ji bo dawiya Nîsanê biryara operasyonê dabû lê ji ber sedemên cuda çênebû. Piştre jî li ser Serfermandarê Giştî û Wezîrê Parastinê me ev roj diyar kir.”
Netanyahu got ku dê êrîşên wan bidomin û got ku ev hedefa ewil e lê tenê yek hedef nîne.” Netanyahu bang li Îsraîliyan jî kir û got: “Îran dê bersivê bide, di êrîş bike, dibe ku ev pir dijwar be. Guh bidin fermanên me.”
Netanyahu anî ziman ku wan DYA agahdar kiriye û got: “Ez pozîsyona Emarîkayê ji Emerîkayê re dihêlim. Me ew têkildarî êrîşê agahdar kiribûn. Dê niha çi bikin? Ez vê ji Serok Trump re dihêlim, ew biryarên xwe serbixwe dide, nikarim ser navê wî biaxivim.”
Netanyahu diyar kir ku wan li rampayên fuzeyan ên Îranê xistine lê hedefa wan a esasî tesîsên hilberandina fuzeyan e.
