Girtiyên ji doza Kobanê Zeynep Karaman û Pervîn Odûncû yên li Girtîgeha Jinan a Sîncanê tên ragirtin, bi rêya parêzerên xwe peyamek ji bo endamê Şandeya Îmraliyê ya Partiya Wekhevî û Demokrasiyê ya Gelan (DEM Partî) û Serokwekîlê Meclisê yê DEM Partiyê Sirri Sureyya Onder şandin.
Di peyamê de wiha hat gotin: “Em bi xemgîniyek mezin ji nexweşiya krîtîk a Sirri Sureyya Onder hîn bûn. Aştî pir zehmet e, divê tu jê bawer bikî. Sirri Sureyya Onder; baweriya xwe bi aştiyê anî û ji bo vê yekê gelekî xebitî. Baweriya me ew e ku weke her carê wê bi berxwedanê bi ser bikeve û dilê me girtiyan ji bo wî lê dide. Em weke hevrê û hevalên heman dosyayê daxwazên xwe yên herî baş radighînin û di demeke nêz de baş bibe. Dilê me bi te re ye.”
