Bi boneya salvegera 10`mîn a damezrandina MSD`ê û salvegera yekem a hilweşîna rejîma Baasê, MSD`ê li Hola Şeto ya bajarê Hesekê pîrozbahiyek li dar xist.
Nûnerên partiyên siyasî, rêxistinên jinan û hêzên civaka sivîl, nûnerên Rêveberiya Xweser a Bakur û Rojhilatê Sûriyeyê, QSD`ê, û serokên eşîrên Ereb û Kurd berşdarî pîrozbahiyê bûn.
Piştî axaftinên,Hevseroka Meclîsa Rêveber a Rêveberiya Xweser a Kantona Cezîrê Vîviyan Beho Osê, Hevseroka MSD`ê Leyla Qereman,Hevserokê Meclîsa Rêveber a Rêveberiya Xweser Hisên Osman û Fermandarê Giştî yê Hêzên Sûriyeya Demokratîk (QSD) Mezlûm Ebdî, pîrozbahî bi axaftinan berdewam kir.
Ji rêveberên Meclîsa Jinên Sûriyeyê Suhêr Senûh, endama Meclîsa Giştî ya El Mesar El Dikmuqratî Heyfa Mehmûd û ji rêveberên Hevpeymaniya Hemwelatîbûna Wekhev a Sûriyeyê (Tamasuk) Xebat Mihemed jî pîrozbahiyê de axivîn, salvegera 10`mîn a damezrandina MSD`ê û salvegera yekem a hilweşîna rejîma Baasê pîroz kirin û bal kişandin ser grîngiya lidarxistina kongreyeke berfireh ji bo avakirina bingehên dewleteke nû û sazkirina destûreke ku xwestek û îradeya gelê Sûriyeyê nîşan bide.
Piştî axaftinan sînevizyona derbarê xebatên MSD`ê de hat pêşandan. Piştre hevserokên MSD`ê Leyla Qereman û Dr. Mehmûd El Mislit endamên meclisê yên ku ji aliyê rejîma Baasê ve hatibûn girtin, Mewlûda Îbo û Îlham Omer xelat kirin
Pîrozbahî bi stran û mûzêkê bi dawî bû.
