Fona Pêşketina Qeterê di daxuyaniya xwe de da zanîn ku ew ê zêdetir ceyranê bide Sûriyeyê.
Li gorî Fona Pêşketinê ev xaza ku armanc dike qutbûnên ceyranê yên li Sûriyeyê yên zêde ji holê rake, wê kapasîteya hilberîna bernameya Qeterê rojane 800 megavatî zêde bike.
Di meha Kanûnê de li gel hilweşîna rejîma Beşar Edad HTŞ û komên derdora wê hatin ser desthilatdariya Şamê.
Di şerê nêzîkî navxweyî yê nêzîkî 14 salan de li Sûriyeyê binesaziya ceyranê ziareke mezin dît ku li hin deveran rojane zêdetirî 20 saetî ceyran tune ye.
Fona Pêşketina Qeterê di daxuyaniya xwe de got: ‘’ Ew ê ceyranê bigihînin santrala ceyranê ya Helebê û bidin hin bajar û taxan.’’
Dewleta Tirk roja Çarşemê dabû zanîn ku ew ê li ser Azerbeycanê xazê bişîne Sûriyeyê. Hikûmeta Demkî ya Şamê jî dabû zanîn ku ew ê vê xazê ji bo hilberîna ceyranê bi kar bînin.
Têkiliyên Qeter û Tirkiye yên li gel Hikûmeta Demkî ya Şamê ya piştî hilweşîna rejîma Beşar Esad hatî avakirin, gelekî baş in. Her du dewletan beriya niha jî bi awayekî aktîf piştgirî didan komên çeteyan.
Hêjayî bibîrxistinê ye ku dewleta Tirk hê jî gelek herêman di bin dagirkeriya xwe de digire, di salên dawîn de zirareke mezin daye binesaziya ceyranê ya Bakur Rojhilatê Sûriyeyê û gelek sûcên şer kirin.
