Navenda Ragihandinê ya QSD’ê bi daxuyaniyekê şehadeta 4 şervanan ragihand. Daxuyanî wiha ye:
“4 hevrêyên me piştî ku di meşa têkoşînê de destanên lehengiyê raber kirin û di rêya parastina gelê xwe û xaka xwe ji tevahî êrîş û gefan de berdêlên giran dan, gihiştin asta şehadetê.
Em bi serbilindahî û serferazî radigihînin ku hevrêyên me Çekdar Artêş (Abdullah Aykuz), Kemal Eruh (Abdullah Kaya), Mihemed Hiso (Mihemed Îbrahîm Hiso) û Zindan (Yûsif Hemadî Xelîfe) di berxwedana li hember êrîşên dewleta Tirk a dagirker û çeteyên wê yên li ser herêmê me de şehîd bûne.
Hevrêyê me Çekdar Artêş ji malbateke welatparêz e ku xwedî dîrokeke dirêj a tevlêbûna di şoreşê de ye û gelek şehîd dane. Hevrê Çekdar jî ku ji zaroktiya xwe ve di nava nirxên welatparêziyê de mezin dibe, ji ber hezkirina xwe ya şoreşê û parastina welat tev li nava refên hêzên me dibe.
Hevrê Çekdar Artêş beşdarî gelek dewreyên perwerdeyê bû û cihê xwe di pêngavên leşkerî yên hêzên me yên li dijî rêxistina DAÎŞ û dagirkeriya dewleta Tirk û çeteyên wê, bi taybetî pêngava rizgarkirina Til Koçerê (2013) de bû. Di gelek pêngavan de birîndar dibe, lê birînên xwe li hemberî domandina meşa xwe ya têkoşîn û berxwedanê nekir asteng.
Hevrêyê me Kemal Eruh ji malbateke welatparêz e ku nirxên neteweyî û şoreşgerî hilgirtiye. Hevrê Kemal cihê xwe di nava hêzên me de girt û beşdarî gelek dewreyên perwerdeyê yên siyasî, bîrdozî û leşkerî bû. Cihê xwe di gelek pêngavên leşkerî yên hêzên me de girt û serkeftin bi dest xistin ku hevalên wî jê re şahid in.
Hevrê Kemal bi nexweşiyekê ketibû û emeliyet bû. Lê tevî vê yekê jî bandor nebû. Berî nexweşiyê jî hatibû girtin, lê ezmûna wî ya girtinê biryardariya wî ya serxistina doza ku ji bo wê tê dikoşe, zêdetir kir.
Hevrêyê me Mihemed Hiso jî ji malbateke welatparêz tê ku di pêngavên me yên rizgarkirinê de şehîd dane. Birayê wî di pêngava rizgarkirina Minbicê bi destê rêxistina terorîst a DAÎŞ’ê de şehîd bû. Mihemed di destpêkê de tevlî hêzên me bû û gelek dewreyên perwerdeyê dît ku asta wî ya leşkerî û rewşenbîrî bilind kirin û di kesayetiya wî de guhertinek girîng çêkir. Ew mînakek şervanê ku di karê xwe de dîsîplîn bû, nirxa demê dizanibû û wê winda nedikir, dema xwe di tiştên kêrhatî de bi kar dianî.
Hevrê Zindan tevî ku nû tev li refên hêzên me bibû jî lê bi rêya dewreyên perwerdeyê yên ku li gelek cihan dîtibû, di ezmûn û jêhatîbûna xwe ya leşkerî de pêşketinek berbiçav bi dest xistibû. Şeranekî bi coş û wêrek bû. Heta kêliyên xwe yên dawî, bê bandor ji propagandaya dijmin û îdiayên wê yên derewîn bi sebir li ber xwe da.
Bila serê malbatên her çar şehîdan û tevahiya malbatên şehîdên me sax be. Îro israra me ya domandina rêya wan û parastina hêviyên wan û pêkanîna armancên wan zêdetir dibe.”
NASNAMEYÊN ŞEHÎDAN:
Nasnav: Çekdar Artêş
Nav û paşnav: Abdullah Aykuz
Navê dayikê: Sacîde
Nave bav: Sali
Cih û dîroka şehadetê: Bendava Tişrîn, 13 Kanûn 2024
***
Nasnav: Kemal Eruh
Nav û paşnav: Abdullah Kaya
Navê dayikê: Kamila
Navê bav: Elî
Cih û dîroka şehadetê: Sirîn, 9 Kanûn 2024
***
Nasnav: Mihemed
Nav û paşnav: Mihemed Hiso
Navê dayikê: Yazî
Navê bav: Îbrahîm
Cih û dîroka şehadetê: Minbic-gundê Kabirca, 8 Kanûn 2024
***
Nasnav: Zindan
Nav û paşnav: Yûsif Xelîfe
Navê dayikê: Mufîde
Navê bav: Hemadî
Cih û dîroka şehadetê: Minbic, 14 Kanûn 2024.
