Navenda Ragihandina Hêzên Sûriya Demokratîk (QSD) bi daxuyaniyekê sersaxî ji malbata Mecid El Remedan El Henşel re xwest.
Di daxuyaniyê de wiha hate gotin: “Hêzên me, QSDˊê ji bo wefata ciwan Mecid El Remedan El Henşel li bajarokê Kîsra yê gundewarê rojavayê Dêrazorê xemîngiya xwe tîne ziman. El Henşel di qezayekê de ji aliyê endamên dewriyeyek hêzên Meclisa Leşkerî ya Dêrazorê de wefat kir.
Piştî bûyerê, tavilê lêpirsîn hat destpêkirin, kesên destê wan di bûyerê de hatin girtin û ji dozgeriya taybet re hatin rakirin, ku li gorî yasa û pergalên leşkerî bêyî îstîsna hesab ji wan were xwestin.
Em, di QSDˊê de, berevaniya gelê xwe û parastina rûmet û mafên wan wekî prensîbeke sabît û berpirsiyariyeke neteweyî dibînin, ku me bi xwîn û fedakriyên mezin di rizgarkirina herêmê ji terorê de û ji bo avakirina civakek ewle ya li ser edalet û rêzgirtina yasayê, girtiye ser xwe. Li ser vê bingehê em diyar dikin ku ev qeza nêzîkatî yan nirxên hêzên me temsîl nake. Berevajî vê, ew kiryarek takekesî ye ku nebaşiyê li peyama hêzên me de û bi her awayekî redkirî ye.
Em sersaxiyê ji xizm û malbata El Henşel re dixwazin û em helwesta wan a berpirsiyar û hişyar di rûbirûbûna hewldanên bikaranîna vê bûyerê ji bo gurkirina pevçûn an teşwîqkirina tundiyê de teqdîr dikin. Zanabûna malbatê û xelkê herêmê nirxên exlaqî yên kûr û hişmendiyeke civakî ya resen nîşan dide ku gelek caran ew tev li parastina aştiya navxweyî bûye.
Em teqez dikin ku edalet dê bi zelalî û bi israr rêya xwe bidome, ji bo rêzê li mafên welatiyê wefat kiriye û malbata wî bigire, û ji bo baweriya hevbeş di navbera hêzên me û gelên ku em nûnertiya wan dikin de biparêze.
Dilovanî ji bo mirî, sebir û aramî ji malbata wî ya bi rûmet re.”
