Dr. Cîhan Seîd Hesam ku di 19‘ê Tîrmehê de bi biryara 50‘î wekî rêvebera herêma Qamişloyê hatibû erkdarkirin û wekî yekem ji li Sûriyeyê ku dibe rêvebera herêmê de, bi girseyî ji aliyê xelkê Qamişloyê ve hat pêşwazîkirin.
Cîhan Seîd Hesam ji ber pêşwazîkirinê spasiya xelkê Qamişloyê û got, ew ê nêzî hemû bajar û bajarokan be û tu ferqê nexe navbera Qamişlo, Amûdê, Tirbespiyê, Til Hemîs û Cezayê.
Cîhan anî ziman ku deriyê wê dê ji her kesî re vekirî be û got, parêzgeha Hesekê nimuneya jiyana hevbeş e û ew serbilin de ku ji vê parêzgehê ye.
Cîhan Seîd Hesam destnîşan kir ku pêdiviya Sûriyeyê ji bo avakirinê bi hezkirin û xebata hevpar heye.
Di çarçoveya rêze biryarên îdarî yên ji bo rêxistinkirina xebata rêveberiyên xwecih ên parêzgeha Hesekê de Şêro Mihemed Şero wekî rêveberê herêma Dêrikê û Xalid Îbrahîm Salih jî wekî rêveberê herêma Çilaxayê hatin erekdarkirin.
Rêveberên her du bajaran ku îro dest bi erka xwe kirin ji aliyê şêniyên Çilaxa, endamên saziyên sivîl û partiyên siyasî ve bi girseyî hatin pêşwazîkirin.
Şêro Mihemed Şero di dema pêşwazîkirinê de axivî û diyar kir ku dê li welatiyan guhdarî bike, ximzeta wan bike û li gorî derfetan pirsgirêkên wan çareser bike.
Şero bal kişand ser girîngiya tevkariya di navbera sazî û şêniyan de û pêşxistina xizmetan li Dêrik, Çilaxa, Til Koçer, Girkê Legê û tevahî herêmên rêveberiyê.
Şêniyên bajarê Dêrikê, endamên saziyên sivîl û malbatên şehîdan jî pêşwaziya rêveberên xwe Şêro Mihemed Şero kirin. Şêro li vir jî axivî û got, qonaxa bê xurtkirina yekitiyê, pêşxistina rewşa xizmetguzariyê û pêkanîna daxwazên şêniyan hewce dike.
