Bûyerên piştî banga 27’ê Sibatê ya Rêber Apo û piştî kongreya 12’emîn a PKK’ê wê bêne şopandin.
Êrîşên li ser Kurdistanê û bûyerên têkildarî mijarê wê werin şopandin.
Daxuyanî û çalakiyên têkildarî 15’ê Gulanê Cejna Zimanê Kurdî wê werin şopandin.
Ji bo ji damezrînerên PKK’ê Alî Haydar Kaytan û Riza Altûn wê li paytexta Fransa Parîsê çalakiyeke bîranînê ya girseyî bê lidarxistin.
Dûran Kalkan di dawiya Kongreya 12’emîn a PKK’ê de axivî û got, “Fesixkirina PKK’ê tinebûn, qedandin, rizandin, mirin nîne; berevajî vê yekê afirandina zemînekî û vekirina deriyê li vejîneke nû ye.
Endamê Komîteya Rêveber a PKK’ê Mûrat Karayilan anî ziman ku PKK’ê xwe ji bo çareseriyê fesix kiriye û destnîşan kir ku divê dewlet jî ji bo çareseriyê siyaseta xwe ya têkildarî Kurdan biguherîne. Karayilan got, “Ji Kurdistanê heta bi her devera cîhanê em ê sosyalîzma civaka demokratîk pêk bînin.”
Hevserokê Konseya Rêveber a KCK’ê Cemîl Bayik ragihand ku Alî Haydar Kaytan jiyana xwe xist bin xizmeta Partî hevrêtî, gelê Kurd û azadiyê û got, “Tiştên ku xizmetê ji van re neke di şexsê xwe de kuşt, li xwe heram kir. Kesayetiyekî mezin di şexsê xwe de afirand.”
Komîteya Perwerdeyê ya KJK’ê got, pêvajoya nû ji bo pêşvebirin û birêxistinkirina zimanê dayikê zemîneke nû ye û bang kir ku li gorî ruhê pêvajoyê bi seferberiyê zimanê dayikê bê pêşvebirin.
Komîteya Perwerdeyê ya KCK’ê diyar kir ku zimanê netewe dewletê li ser gelê Kurd tê ferzkirin û got, “Ji bo zimanê Kurdî bibe zimanê fermî, em têkoşînê bilind bikin.”
Endama Koordînasyona PAJK’ê Evîndar Ararat destnîşan kir ku ji bo siyaseta demokratîk pêwîstî bi parastineke berfireh heye û got, heta ku peymaneke mayinde û garantiyên qanûnî-hiqûqî neyên dayin, divê hêza parastinê çekê danîne.
Ji delegeyên Kongreya 12’emîn a PKK’ê Bozan Tekîn bal kişand ser girîngiya rêxistiniya nû ya li gorî pêwîstî û ruhê demê û got, “Apoyî ruhek e; ev ruh wê bijî.”
Endamê Desteya Serokatiyê ya PYD’ê Salih Muslim anî ziman ku PKK ji bo armancekê ava bû, îro gihîştiye armanca xwe û destnîşan kir ku divê Tirkiye êdî şaşitiyên xwe yên dîrokî sererast bike.
Endama Komîteya Navendî ya PKK’ê Hêlîn Umît li Kongreya 12’emîn a PKK’ê axivî û got, “Her kesî par ji heqîqeta PKK’ê wergirtiye. Ji bo pêvajoya nû pêwîstî bi guhertinê heye.”
Ji delegeyên Kongreya 12’emîn a PKK’ê Cemal Amed ragihand ku ev kongre girtina demekê, destpêkirina pêvajoyeke nû ya têkoşîna dîrokî ye û got, “Ev yek hem temamkirin e, hem jî jinûve avabûn e.”
Berdevkê Komîsyona Çand, Huner û Ziman a DEM Partiyê Heval Dilbihar got, zimanê Kurdî divê êdî zimanê fermî be û xwedî statuya perwerdeyê be.
Ji bo kadroyên pêşeng ên PKK’ê Altûn û Kaytan wê li gelek welatan di 18’ê Gulanê de çalakiyên bîranînê yên girseyî bêne lidarxistin.
