Bûyerên piştî Banga Aştî û Civaka Demokratîk a Rêber Apo wê bêne şopandin.
Jinên ku bi pêşengiya Tevgera Jinên Azad (TJA) bi dirûşma “Em bi hêviyê ber bi Enqereyê ve dimeşin” ji Amedê dimeşin Enqereyê, di roja 4’emîn de wê li Mersînê bin.
Armanc ji meşa jinan a ber bi Enqereyê civakîkirina daxwaza aştiyê û balkişandina ser li perwerdeya bi zimanê dayikê ye. Ji meşvanan mamoste Sîmge Yardim got, “Heta ku mafê zimanê dayikê neyê naskirin civaka demokratîk ava nabe.”
Ahmet Yildirim destnîşan kir ku ji bo rêveçûna pêvajoya aştiyê divê nêrînên Ocalan bêne wergirtin û got, “Birêz ocalan aktorek e ku rêxistin fesix kir û çek da danîn. Heta ku pêşniyarên şênber jê neyên wergirtin, pêvajo birêve naçe.”
Endezyarê Zîreetê Abdussamed Ucaman anî ziman ku li Kurdistanê çandinî bi destê desthilatdariyê tê têkbirin û cotkar ji çandiniyê tê dûrxistin.
Serokê Giştî yê CÎK’ê Şevket Çakir Pêvajoya Aştî û Civaka Demokratîk weke “Gaveke aştiyê ya dîrokî ji bo gelê Kurd” pênase kir û got, aştî hem armanceke siyasî ye, hem jî daxwaza Xwedê ye û got, “Divê ziman, çand û mafê me bêne misogerkirin.”
Hevseroka Giştî ya DEM Partiyê Tulay Hatîmogûllari wê li Samandag a Hatayê beşdarî mîtîngê bibe ku wê bi dirûşma “Em xaka xwe diparêzin” bê lidarxistin.
