Li bajarên Stuttgart, Reutlingen û Boblingen ên eyaleta Baden-Wurttembergê bi dirûşmeya “Jiyana azad û civaka demokratîk” wê sê roj şahiya çandî were lidarxistin. Şahî ji aliyê Navenda Civaka Demokratîk a Stuttgartê ve têne organîzekirin. Di şahiyê de wê fîlm, sînevîzyon werin pêşandan, dîwana dengbêjan, panel û konser, govend, bên lidarxistin û axaftin werin kirin.
DI 21’Ê MIJDARÊ DE WÊ BELGEFÎLMA ‘JINWAR’ WERE PÊŞANDAN
Roja yekem a şahiyê wê bi belgefîlma ku ji aliyê Komuna Fîlman a Rojava ve hatiye amadekirin dest pê bike. Fîlma li ser gundê jinan JINWAR wê saet 18:00’an de li Kupferbau Horsaal 21, Holderlinstr. 5, 720 Tubingenê pêk were.
DI 22’YÊ MIJDARÊ DE DÎWANA DENGBÊJ
Di roja duyemîn a şahiyê de wê dîwana dengbêjan bê pêşkêşkirin. Dengbêj Cewad Merwanî, Fatoş Ereklî, Zulfu Esen û Zulkuf Gimgim wê beşdar bibin. Bername wê saet di 17:00’an de li Berlîner Str. 20, 71069 Maichingenê pêk were.
DI 23’YÊ MIJDARÊ DE KONSERA AZADIYÊ
Roja sêyemîn di çarçoveua pîrozkirina azadî û jiyana demokratîk de wê hunermendên Kurd derkevin ser dikê û şahî bi dawî bibe. Hozan Aydin, Cewad Mervanî, Binevş Cizîrî, Sîdar Ferît, Koma Rêber Davran, Koma Mîro û Koma Jiyan (Govend) wê beşdar bibin. Şahî wê saet 13:00’an de li Lindenschulstr. 29, 70327 Stuttgartê dest pê bike.
