Saziya pêwendîdar li ser X’ê belavokek weşand û got, “Bi şîrketa Fidi ya Çînî re peymaneke stratejîk hate îmzekirin û maf ji vê şîrketê re hate dayin ku ji bo avakirina herêmeke pîşesaziyê ya ji navendên hilberîn û febrîqeyên pispor, ji qadeke ji 850.000 metreçargoşeyî ya li herêma Hesiya ya wîlayeta Hûmsê sûdê werbigire.”
Li gorî daxuyaniyê, peymana lihevkirinê her wiha maf dide şîrketa Çînî ku ji bo “afirandina projeyên xizmetê û bazirganiyê ya ji pêwîstiyên bazara herêmî” li quntarên Şamê “li herêma serbest Adra” li qadeke ji 300.000 metreçargoşeyî razemeniyê bike. Dema peymanê jî bi 20 salan hate destnîşankirin.
Desthilatdariya Şamê ji bo destpêkirina qonaxa başkirina aboriyê pişta xwe bi rakirina pêkanînên Emerîkî û Ewropî germ dike.
Çîn beriya meha Kanûnê li gel Rûsya û Îranê yek ji piştevanên herî mezin ên Serokdewletê hilweşiyayî Beşar Esad bû.
Çînê di dema şerê navxweyî de ji bo piştgiriya bi Şamê re û astengkirina pêşnûme biryarên têkildarî Sûriyeyê bi Rûsyayê re li Konseya Ewlekariyê ya Neteweyên Yekbûyî gelek caran erka xwe ya vetoyê bi kar anî.
