Di salvegera 3’emîn a êrişa bombeyî ya li ser Meclîsa Gel a Sinûnê ya Şengalê de ku eşkere bû, ji aliyê sîxurên PDK û MÎT’ê ve hate kirin û di encamê de zarok Selah Şivan Xidir û Îbrahîm Derwêş jiyana xwe ji dest dan, daxuyaniyek hate dayin.
Endamên sazî û dezgehên Rêveberiya Xweser a Şengalê li Meclîsa Gel a Sinûnê daxuyanî dan û zarok bibîr anîn. Daxuyanî ji hêla endama Meclîsa Sinûnê û di heman demê de birîndarê wê demê Xelef Qasim ve hat xwendin.
Xelef Qasim destpêkê hemû şehîdên êzidxanê bi hurmet û rêzdarî bîr anî. Xelef diyar kir ku ji dîrokê heta niha Êzidî ji ber bindestiyê qebûl nekirine û dev ji baweriya xwe bernedane. Xelef anî ziman ku her tim rastî êrîşan hatiye û wiha got: “Em bi saya şehîdên xwe bi pêş ketin û me xwe bi rêxistin kir û em deyndarên şehîdan in. Ji dîrokê heta niha Êzidî her tim qurbanî dane û tu carî neketine. Lê di serdema niha de Êzidiyan xwe bipêş xistine û bi rêxistin kirine. Niha Êzidî ji bo maf, heq û hiqûqên xwe têdikoşin û ev jî bi saya şehîdan e. Ger îro Êzidî tên naskirin bi saya şehîdan e. Em ê heta dawiyê li pey doz û şehîdên xwe bin.”
