Li bajarên cûda yên Rojhilatê Kurdistanê bi amadebûna malbatên qurbaniyên serhildana ‘Jin, Jiyan, Azadî’ û azadîxwazan merasîmên bîranînê hatin lidarxistin.
Li bajarê Sine du çalakvanên Kurd ên bi navên Zanyar Ela Muradî û Umêd Hesenî ku di 15 û 16’ê Mijdara 2023’yan de di dema serhildana ‘Jin, Jiyan, Azadî’ de ji aliyê hêzên rejîmê ve hatin qetilkirin, hatin bîranîn.
Her wiha li Sine Îsa Bîglerî jî ku di 14’ê Mijdara 2023’yan de di dema serhildana ‘Jin, Jiyan, Azadî’ de di encama gulebarana hêzên rejîmê de jiyana xwe ji dest dabû, hate bîranîn.
Li bajarê Mehabadê jî Dr. Azad Hisên Purî li ser gora xwe hat bîranîn. Di bîranînê de malbat û kesûkarên Dr. Azad amadebûn. Dr. Azad Hisên Purî jî di 16’ê Mijdara 2023’yan de di dema serhildana ‘Jin, Jiyan, Azadî’ de ji aliyê hêzên rejîmê ve hatibû qetilkirin.
Li bajarê Bokanê jî malbata Hejar Mam Xesrewî di sêyemîn salvegera qetilkirina kurê xwe de merasîmek bîranînê lidarxist. Hejar Mam Xesrewî jî di 16 Mijdara 2023’yan de di dema serhildana ‘Jin, Jiyan, Azadî’ de ji aliyê hêzên rejîmê ve hatibû qetilkirin.
