Daxuyaniya Rutte di demeke welê de hate kirin ku Serokê DYE’yê Donald Trump zextê li endamên din ên NATO’yê bi taybetî jî li Ewropiyan dike ku lêçûnên xwe yên leşkerî zêde bikin.
Trump her wiha ji hevalbendên xwe yên li herêma Asya-Pasîfîkê dixwaze, ji bo karibin bersivê bidin Çînê û Koreya Bakur kontrol bikin, kapasîteya xwe ya leşkerî xurt bikin.
Mark Rutte ji Japan Timesê re axivî û got, “Di mijara Çînê de divê em saf nebin. Bilindbûna hêzên çekdar, razemeniya li huner û hêza parastin û pîşesaziya parastinê rewşeke matmayî ye.”
Rutte got, “DYE dixwaze NATO hîn bêhtir (li herêmê) cih bigire. Ne bi wateya xala 5’an, lê belê di çarçoveya piştgiriya bi hev re ya li nava NATO’yê û projeksiyona hêzê.”
Di xala 5’emîn a NATO’yê de tê gotin, eger êrîş li endamekî NATO’yê bê kirin hemû endamên din vê êrîşê weke li xwe dibîne û li gorî vê yekê helwestê nîşan dide.
Rutte wê vê Sêşemê serdana baregeha deryayî ya Yokosuka ya li başûrê Tokyoyê bike û roja Çarşemê jî bi Serokwezîr Shigeru Ishiba û rayedarên payebilind ên Japon re hevdîtinê bike.
NATO’yê salên dawî hewl da têkiliyên xwe yên bi Japonya, Koreya Başûr, Awûstralya û Zelanda Nû re xurt bike û lîderên van welatan vexwendibû civînên bilind ên NATO’yê.
Sekreterê Giştî yê NATO’yê meha Cotmehê gotibû, “Divê em ji deklarasyona hevpar derbas bibin… vê şênber bikin.”
Japonya jî bi welatên Ewropayê re hevkariya xwe ya leşkerî zêde dike. Meha Mijdarê Tokyo û Yekîtiya Ewropayê hevkariya parastin û ewlekariyê ya nû ragihandin.
