Şehla Pîrastah a ku nêzî 8 sal in li Amedê dijî û li ser nifûsa bajarê Mehabadê ya Rojhilatê Kurdistanê ye, tê xwestin bê dersînorkirin. Şehla Pîrastah a grafîksaz di Kanûna 2024’an de ji ber nasnameya xwe ya Kurd ji aliyê polîsên TEM’ê ve hat rawestandin. Şahla Pîrastah a ku heman polîs lê geriyan û sîxurtî qebûl nekir û ji ber vê bi dersînorkirin gef lê hatin xwarin, di 16’ê Kanûna 2024’an de serî li Şaxa Komeleya Mafên Mirovan (ÎHD) a Amedê da. Şahla Pîrastah di 7’ê Nîsanê de di serdegirtina mala wê de hatibû binçavkirin, radestî Midûriyeta Polîsan a Komarê û Midûriyeta Polîsan a Amedê hat kirin. Şahla Pîrastah a ku di 8’ê Nîsanê de ji aliyê Midûriyeta Îdareya Koçê ya Amedê ve bêyî ku biryarek ji parêzerên wê re bê nîşandan der barê wê de biryara dersînorkirinê hat dayîn, îro sewqî Navenda Vegerê ya Rihayê hat kirin.
Parêzerê Shala Pirastahê ragihand ku ew ê li dijî vê biryarê doza betalkirinê vekin.
