Hevserokê Giştî yê Partiya Wekhevî û Demokrasiyê ya Gelan (DEM Partî) Tuncer Bakirhan û şandeya pê re serdana “Nobeda Jiyanê” ya ji aliyê Egîtîm Senê ku li dijî êrîşên li ser dibistanên Sêwereg û Mereşê li ber Wezareta Perwerdehiyê hatiye destpêkirin, kir.
Hevserokê DEM Partiyê Tuncer Bakirhan di serî de ji kesên jiyana xwe ji dest danê re sersaxî xwest û ji birîndaran re jî şîfa xwest û wiha got: “Xemsariya raya giştî jî di van bûyeran de hebû. Divê vê qebûl bikin û rexnedayîna xwe bidin. Ev bûyer ne tenê ya çend kesan e. Siyaset li ser dijberiyê tê meşandin. Tundî tê rewakirin. Her wiha di dibistanan de ewlehî tune ye. Divê ewlehî bê xurtkirin. Her wiha pirsgirêk ne tenê ewlehî ye, di heman demê de pirsgirêk ya pergalê ye. Demekê kesên weke Denîz, Mahîr û Îbrahîm îdol bûn niha kesên mafya dibin îdol. Di serî de divê siyaset biguhere û piştre jî ev pergal biguhere.
Ez kedkarên perwerdehiyê yên li vir bi rêzdarî silav dikim. Wan her tim li dijî êrîşên ku civak pê re rû bi rû dimîne helwesteke girîng nîşan dane. Ji niha û pê ve em ê bi hev re li dijî van êrîş, komkujî û polîtîkayên şer; ji bo demokratîkbûna vî welatî û ji bo mafê
perwerdehiya azad têkoşîna xwe bidomînin. Serê me hemûyan sax be.”
