Di rapora salane ya Çavdêriya Bombeyên Mîsketê de hate diyarkirin ku Rûsya ji destpêka dagirkirina di Sibata 2022’an ve van çekan bi tundî bikar tîne, herwiha artêşa Ukraynê jî van cebilxaneyan bi kar aniye.
Rêxistinê ragihand ku tenê li Ukraynê heta niha ji ber bombeyên mîsketê zêdetirî 1200 sivîl mirine an jî birîndar bûne, û hejmara rast dibe ku gelekî zêdetir be.
Raporê destnîşan kir ku di sala 2024’an de li Ukraynê herî kêm di 40 êrişên cuda de bombeyên mîsketê hatine bikaranîn, lê di piraniya van êrişan de daneyên fermî yên derbarê windahiyên sivîl de nehatine parvekirin.
Bal kişandin ser xetereya demdirêj a bombeyên mîsketê, û hate bibîrxistin ku hin ji van bombeyan bêyî ku teqiyabin dimînin û bi salan mayîn ji bo sivîlan rîskên kujerî çêdikin.
Rûsya û Ukrayna ne endamê Peymana Navneteweyî ya sala 2008’an in ku bikaranîn, hilberîn û depokirina bombeyên mîsketê qedexe dike.
Sala borî ev cebilxane li welatên din ên weke Myanmar û Sûriyê jî hatin bikaranîn, herwisa biryara Amerîkayê ya di sala 2023’an de ji bo şandina bombeyên mîsketê ji bona Ukraynê jî bû sedema bertekên navneteweyî.
