Li gorî nûçeya Kolbarnewsê, di nava 70 rojên dawî de 17 kolber li ser sînor ê Kurdistanê ji ber sedemên weke guleyên rasterast ên hêzên dewleta Îranê, hîpotermî, qeyrana dil û ketina ji zinar jiyana xwe ji dest dan. Ji van 12 kolber (ji sedî 71) di encama gulebarana rasterast a hêzên sînor de jiyana xwe ji dest dan, kolberek ji ber qeyana dil jiyana xwe ji dest da, 2 kolber ji ber hîpotermiyê jiyana xwe ji dest dan, 2 kolber jî dema li ser sînor dihatin şopandin ji ber ji zinar ketin jiyana xwe ji dest dan. Di nav wan de kolberekî zarok ê 15 salî yê bi navê Hestyar Abdulkerîmî jî heye.
Têkildarî kolberên hatin qetilkirin ev agahî hatin parvekirin:
– 23’yê Adara 2024 Şemî: Kolber Peyman Ehmedî yê 35 salî û xelkê Ciwanroyê di encama gulebarana rasterast a hêzên ser sînor li ser sînorê Newsûdê jiyana xwe ji dest da.
– 24’ê Adara 2024 Yekşem: Kolberê bi navê Soran Abdî yê 22 salî xelkê Banê ye û zewicî ye, ji aliyê hêzên ser sînor ve li herêma Hengelal hate qetilkirin. Hat hînbûn ku hevjîna wî ducanî ye.
– 24’ê Adara 2024 Yekşem: Kolber Muhammed Beyar Muhammedî yê 48 salî, xelkê gundê Zîran a ser bi Ciwanroyê, dema li ser sînorê Newsûdê ji ber qeyrana dil jiyana xwe ji dest da.
– 24’ê Adara 2024 Yekşem: Zarokê 15 salî kolber Hestyar Abdulkerîmî yê xelkê bajarê Dîwandere ye, li sînorê Mişawê ya Seqizê di bin berfê de ma, ji ber hîpotermiyê jiyana xwe ji dest da.
– 24’ê Adara 2024 Yekşem: Kolber Seîd Salusî (33) yê xelkê Pîranşarê di dema kar de wenda bû û ji ber hîpotermiyê jiyana xwe ji dest da.
– 28’ê Adara 2024 Pêncşem: Kolberê ji gundê Elmane yê Merîwanê Şurş Şukrî ji ser girên Tetehê ket xwarê û jiyana xwe ji dest da.
– 28’ê Adara 2024 Pêncşem: Kolber Ebubekir Maxûzî yê xelkê Mîrabadê li ser girên “Deşta Wezîne” ya Serdeştê ji zinar ket û jiyana xwe ji dest da.
– 13’ê Nîsana 2024 Şemî: Kolberê 20 salî Mehrdad Evdilazade yê xelkê gundê Merexan a ser bi Serdeştê di encama gulebarana rasterast a hêzên sînor, li ser sînorê Beytûşê jiyana xwe ji dest da.
– 13’ê Nîsana 2024 Şemî: Kolberê 40 salî Umêd Seîdî li sînorê Bestam a Seqizê ji aliyê hêzên sînor ve hat qetilkirin. Piştî lêgerîna 8 saetan cenazeyê wî hat dîtin.
– 17’ê Nîsana 2024 Çarşem: Seywan Destefken wekî “Seywan Derepemeyanî” tê naskirin ku zewicî bû û zarokekî wî yê biçûk xelkê gundê Dêrepemeyanî yê ser bi Merîwanê ye, li çiyayê Tate ya Hewramanê ji aliyê hêzên sînor ve hat qetilkirin.
– 21’ê Nîsana 2024 Yekşem: Kolber Şiwane Ehmedpûr ê 34 salî, xelkê gundê Necenê ya bi ser Bane ye, di encama gulebarana rasterast a hêzên sînor de li devera sînorê “Bêlekiyê” hate qetilkirin. Şiwane Ehmedpûr ewicî bû û zarokek wî hebû.
– 01’ê Gulana 2024 Çarşem: Hêmin Ehmedî ê 45 salî û zewicî bû, zarokek wî yê 8 nsalî hebû û xelkê gundê Karize yê ser bi Seqizê ye li sînorê devera Bestamî ji aliyê hêzên sînorî ve hate gulebarankirin û hate qetilkirin.
– 02’ê Gulana 2024 Pêncşem: Celal Suhrabî yê 40 salî, xelkê gundê Tacanî yê bi ser Bane ye, li devera sînorî ya “Surkêwî” ji aliyê hêzên sînorî ve hate qetilkirin. Zewicî bû û du zarokên wî hebûn.
– 5’ê Gulana 2024 Yekşemê, hêzên sînor li devera sînorê HengeCal a bajarê Bane, kolberek gulebaran kirin û qetilkirin. Hate zanîn ku kolberê bajarê Seqizê yê 40 salî Eta Rustempur e.
– 9’ê Gulana 2024 Pênşemê, li sînorê herêma Serdeştê, hêzên Îranê kolberê bi navê Salar Ehmedî yê xelkê gundê Nelasî bi guleyên DShK’ê kirin armanc û qetil kirin.
– 16’ê Gulana 2024 Pêncşemê, kolberê bi navê Wehîd Qadirpûr ê xelkê Seqizê, li sînorê herêma Hengecel a Bane, ji aliyê hêzên sînor ve hat qetilkirin.
– 28’ê Gulana 2024 Sêşemê, hêzên sînor li devera sînorê Hengecel a bajarê Bane, komek kolber gulebaran kirin û di encamê de Sîna Resûlzade ya 19 salî xelkê gundê Nelasî yê Serdeştê kiyana xwe ji dest da.
