Weqfa Aştiyê, nerazîbûn nîşanî astengkirina axaftina bi Kurdî ya Dayikên Aştiyê li Meclîsê da û diyar kir ku ev yek li dijî ruhê pêvajoya aştiyê ye.
Di daxuyaniyê de, hat destnîşankirin ku mafê îfadekirina bi zimanê dayikê mafekî bingehîn ê mirovahiyê ye û di çareseriya pirsgirêka kurd de hêmaneke bingehîn e.
Hat diyarkirin ku, di civînên komîsyonê de hêviyek çêbûye, lê redkirina daxwaza Dayika Aştiyê Nezahat Teke ya di 21’ê Tebaxê de dikare zirarê bide baweriya pêvajoyê.
Weqfê, bang li Serokê Meclîsê Nûman Kurtulmuş kir ku dev ji vê helwesta ku diyalog û muzakereyê dixe xeteriyê berde û destnîşan kir ku aştî di hawîrdoreke ku her kes bikaribe xwe azad îfade bike de pêkan e.
