Barrot piştî hevdîtina bi Wezîrê Karên Derve yê Iraqê Fuad Hisên a li Bexdayê, derbasî Herêma Kurdistanê bû û hevdîtinên xwe dewam kir.
Wezîrê Fransî li vê derê bi Serokê Herêma Kurdistanê Nêçirvan Barzanî, lîderê Partiya Demokrat a Kurdistanê (PDK) Mesût Barzanî û Serokwezîrê Herêma Kurdistanê Mesrûr Barzanî re hevdîtin kir.
Di çarçoveya serdanê de piştgiriya Fransayê ya ji bo hewldanên çareseriya siyasî ya li herêmê û hevkariya li qada ewlekariyê hate nirxandin.
Fermandarê Giştî yê Hêzên Sûriyeya Demokratîk (QSD) Mazlûm Ebdî û Hevseroka Desteya Têkiliyên Derve ya Rêveberiya Xweseriya Demokratîk a Bakur û Rojhilatê Sûriyeyê Îlham Ehmed jî li Hewlêrê bi Barrot re rûniştin.
Di hevdîtinan de li ser rêyên çareseriya siyasî yên li Sûriyeyê, pêkhatina aramiya herêmî û diyaloga navbera aliyên Sûriyeyê hatin nirxandin. Rola Fransayê ya di vê pêvajoyê de hate destnîşankirin û hate ragihandin ku wê piştgiriya xwe ya ji bo diyalogê û hewldanên çareseriyê dewam bike.
Jean-Noel Barrot di çarçoveya danûstandinên xwe de îro bi lîderê Yekîtî Niştimanî Kurdistan (YNK) Bafil Talabanî re rûnişt.
