Navenda Ragihandin û Çapemeniyê ya Yekîneyên Parastinê yên Rojhilatê Kurdistanê (YRK) ragihand ku şervanê YRK'ê Helo Sûrên 20'ê Kanûna 2025'an li Asosê dema erkê xwe yê şoreşgerî pêk dianî şehîd bû.
Daxuyaniya YRK'ê bi vî rengî ye:
"Di serî de ji malbata hêja ya hevreyê xwe Helo Sûrên, ji tevahî eşîra Caf û welatparêzên Kurdistanê re sersaxiyê dixwazin. Di şexsê hevrê Helo de, em careke din soza xwe ya pêkanîna civaka demokratîk, azadiyê û bilindkirina têkoşînê dubare dikin. Heman demê de, diyar dikin ku emê li xeyal û armanca welat û Rêbertiyeke azad a hevreyê xwe xwedî derbikevin.
Nasnameyê hevreyê me bi vê rengî ye;
Nasnav: Helo Sûrên
Nav û Paşnav: Kurde Dara
Navê Dayîk-Bav: Eyşe-Dara
Cihê ji dayîkbûnê: Şarezûr
Cih û Dîroka Şehadetê: 20’ê Berfenbara 2025 - Asos
Derbarê jiyana hevreyê me de;
Hevreyê me Kurde Dara bi nasnav Helo Sûrên, di nava civakeke şoreşger a eşîra Caf de, bi hestên welatparêzî û çanda berxwedaniyê çavê xwe li dinyayê vedike. Hevreyê me Helo, bi beşdariya di nava refên gerîla de, bi hestekî mezin xwedî li vê nirxê derdikeve. Her ji zarokatiya xwe de ji eşîra Caf fêrî çanda berxwedaniyê bibû. Bi asêbûna çiyayê Sûrên, ku ti carî dijmin nikare wê dorpêç bike, di nava tevgera azadiyê de bû xwedî sekn. Bi wergitina tecrûbeyên ji jiyanê û bi mîrateya eşîra Caf, biryarê beşdarbûna nava tevgera azadiyê dide. Bi vê biryara ku bi xortî daye re, dest bi hewldana naskirina xwe, civak û çanda Kurdewarî dike. Bi nasîna van re hewl dide ku Rêber Apo jî rast fêm bike û li gorî vê asta têkoşîna xwe bilind bike. Ji ber ku hevreyê me Helo Sûrên ketibû ferqa wê zanebûnê de ku tenê têkoşîna di rêka azadiyê de, ji bo Kurdan û tevahî mirovahiyê dibe riya rizgariyê. Heman demê de bi naskirina xeta Apoyî re, ji hevaltiya rastîn û dilsoz bandor dibe, di vê çarçoveyê de jî soza tevlîbûneke xurt a ji Rêbertî û şehîdan re dide, ji bo vê jî heta dawiyê li vê soza xwe xwedî derket. Dema ku beşdar dibe, di perwerdeya seretayî ya bingehîn re derbas dibe. Di vê perwerdeyê de soza xwe ya bê dawî têkoşîn û pêkanîna hemû erk û berpirsyartiyên ku dikevin ser milên wî dide.
Bi taybetmendiyên xwe yên exlaqî û çandî, di dilê hemû hevalan de, cihê xwe çêkiribû. Ji bo wê jî ji aliyê hemû hevreyên xwe ve, dihate hez kirin. Şehîd Helo Sûrên di nava her kêliyê jiyanê de, di lêgerîn û lêkolînên rastiyê de bû. Her tim bi jiyanîkirina xeyalên şehîdên me yên pêşeng hevrê Viyan Caf û Helmet, hewl dida ku têkoşîna xwe mezin bike. Bi berdewamiya mîrateya van hevrêyan tevlîbûna xwe ya jiyan û têkoşînê dida raber kirin. Bi taybetî jî, di xeta şehîd Viyan de, hewl dida bi hevreyên xwe yên jin re, hevaltiyê bike û xeta azadiyê bilind bike. Her wiha wekî sekvanekî Apoyî, ku di perwerdeya sekvaniyê re derbas bibû, di jiyanê de bi guhertinên ku pêk dianî re bû xwedî çalakiyên mezin. Bi van tecrûbeyên ku ji jiyanê girtiye, bû xwedî wê zanebûnê ku çawa li hember dijmin şer bike. Di perwerdeyê de jî, hemû kêliyên wî yên tevlîbûnê, di esasê tolhildana şehîdên azadiyê de bû. Bi van hestan di nava têkoşîn û xebatan de cihê xwe girt. Di nava Yekîneyên parastinê yên Rojhilatê Kurdistanê de cihê xwe, di nava gelek kar û xebatan de girt. Di her xebatê de jî bû xwedî kedekî pir mezin. Bi jiyanîkirina xeyalên hevreyê xwe, emê kedên wî mezin û berdewam bikin.
Li ser vê esasê em careke din sersaxiyê ji malbata hêja, eşîra caf û tevahî welatparêzên Kurdistanê re dixwazin û em diyar dikin ku emê xwedî li pêkanîna hemû xeyal û armancên şehîdên xwe derbikevin."
