Lêkolînerên li Belçîkayê bi awayekî berfireh avahiya hucreyî ya pankreasê lêkolîn kirin û encamên girîng li ser penceşêra pankreasê bi dest xistin.
Di lêkolîna ku di kovara Gutê de hat weşandin de hat dîtin ku hin hucreyên kêm ku di pankreasa saxlem de hene, gelek dişibin hucreyên tumorê yên ku di cureyên herî xeternak ên penceşêra pankreasê de têne dîtin.
Pêşengê koma lêkolînê Prof. Dr. IIse Rooman, diyar kir ku ev vedîtin dê bibe alîkar ku çêtir were fêm kirin ka kansera pankreasê çawa pêş dikeve.
Lêkolîneran, destnîşan kirin ku daneyên hatine bidestxistin dikarin bibin alîkar ku nexweşî zûtir were teşhîs kirin.
Penceşêra pankreasê ji ber ku pir caran di qonaxên dereng de tê teşhîs kirin, yek ji cureyên herî kujer ên penceşêrê tê hesibandin.
Lêkolînê, her wiha nîşan da ku divê cureyên cuda yên penceşêra pankreasê bi heman rêbazê neyên dermankirin. Pisporan, bal kişandin ser pêwîstiya pêşxistina rêbazên dermankirinê yên cihê ji bo her cureyekê.
Li gorî lêkolîneran, ev xebat dikare di siberojê de ji bo teşhîsa zû û pêşxistina dermankirinên hedefgirtî de were pêşve xistin.
