Rêxistina Komeleya Mafên Mirovan a Kurdistanê ragihand ku dewleta Îranê cezayê girtîgehê li Wehab Xedîr Pûr yê 32 salî û xelkê Mihabad a Rojhilatê Kurdistanê birî.
Hate diyarkirin ku Wehab Xedi Pûr ji aliyê dadgeha dadweriya bilind a Îranê ve bi 10 meh cezayê girtîgehê hate mehkûmkirin.
Her wiha Rêxistinê da zanîn ku welatiyê Kurd bi tometa ‘endamtiya yek ji komên muxalefetê yên dijî Îranê’ hatiye cezakirin.
Hêjayî gotinê ye ku di meha Çileya îsal de Wehab Xedîr Pûr piştî ji bo îdareya Îtlaatê ya bajarê Mihabadê hate vexwendin, sê heftiyan hate binçavkirin û bi dayîna berdêl û bi şêweyê demkî hate berdan. Her wiha Wehab Xedîr Pûr, pismamê yek ji qurbaniyên Şoreşa ‘Jin, Jiyan, Azadî’ Şemal Xedîr Pûr e.
