Komarparêzên DYE’yê beriya niha jî planên xwe yên têkildarî bidestxistina kontrola Hêrema Federal a Washingtonê anîbûn ziman lê belê di vê mijarê de bi ser neketibûn.
Lê belê di roja îroyîn de li gorî gelek çavdêran ihtîmal e ku ev yek pêk were.
Serokê DYE’yê Donald Trump roja Çarşemê îdîa kir ku rêveberiya xwecihî di mijarên sûc û bêmaliyê de ‘’erka xwe bi cih naîne’’ û piştgirî da banga bidestxistina Washingtonê ya ji aliyê rêveberiya federal ve.
Trump di daxuyaniyeke xwe de ev yek anîn ziman: ‘’Bi min divê hikûmeta federal herêma Kolombiyayê bixe bin kontrola xwe (…) Ez ji Şaredarê wir hez dikim, lê belê karê xwe nake. Li herêma berbehs gelekî sûc tên kirin û gelek welatiyên li wir bê mal in. Divê em wê herêmê bi awayekî xurt bi rê ve bibin. ‘’
