Li Çiyayê Qendîlê bi dirûşma ‘Bi ruhê Newrozê em Rêber Apo azad dikin, Civaka Demokratîk ava dikin’ Newroz tê pîrozkirin.
Dika Newrozê bi wêneyên şehîdan, alên PKK’ê û wêneyên Rêber Apo hate xemilandin. Gel tim û tim dirûşmên ‘Bijî Serok Apo’, ‘Bê Serok jiyan nabe’ û ‘Jin, Jiyan, Azadî’ diqîre.
Malbatên şehîdan agirê Newrozê dadan û pîrozbahiya Newrozê bi vî rengî destpê kir.
Tê payin ku pîrozbahî heta danê êvarê dewam bike. Li gel peyama Hevserokatiya KCK’ê wê gelek peyam û axaftvan hebin.
Her wiha koma muzîkê ya ‘Awazê Çiya’, gelek hunermend û kom wê hunera xwe pêşkêş bikin.
