Bûyerên piştî peyama Rêber Apo û şewitandina çekan a ji aliyê komek gerîlayan wê bêne şopandin.
Siyaetmedarê Swîsreyî Remy Pagani ku pêvajoya navbera hikumeta Kolombiya û FARC’ê ji nêz ve şopand got, “Pêvajo divê bi qanûnên navneteweyî bê ewlekirin. Erdogan divê hebûna hêzeke çavdêr a navneteweyî qebûl bike.”
Ji malbatên şehîdan Kûdret Eryilmaz ku tevlî merasîma şewitandina çekan bû ev yek destnîşan kir: “Em hestewar bûn lê belê ji ber ku biryareke bi vî rengî ji ji bo me hemûyan baş e, Rêber Apo ev biryar da.”
Hevberdevkê Komîteya Têkiliyên Derve ya Wargeha Mexmûrê Bêwar Emîn got, “Ambargoya ku ji aliyê Iraq û PDK’ê ve li ser wargehê hatiye pêkanîn, hîn jî berdewame. Civaka Ereb, civakek mêvanperwere, divê rê nedin hikûmetê ku vê zilmê li mêvanên wan bikin.”
Endama Komîsyona Ekolojiyê ya DEM Partiyê Melîs Tantan bal kişand ser qirkirina ekolojiyê ya li Kurdistanê û got, “Têkoşîna azadiyê ya Kurd di heman demê de têkoşîna ji bo parastina xwezayê ye.”
Perspektîfa aboriyê ya Rêveberiya Xweser a Bakur û Rojhilatê Sûriyeyê li ser modeleke civakparêz, ekolojîk û demokratîk ava bûye. Xwerêveberiyên herêmî, kooperatîf û hilberîna li gorî xwezayê, hêmanên bingehîn ên sîstemê ne.
