Çalakiya nobetê ya ku li Wargeha Penaberan a Şehîd Rustem Cûdî (Mexmûr) ji bo azadiya fîzîkî ya Rêber Apo di 20’ê Tîrmeha 2023’an de hatiye destpêkirin, di roja 734’an de bi koma 142’yan didome.
Merasîma dewrgirtinê li Saziya Malbatên Şehîdan a wargehê bi tevlîbûna çalakvanan û xelkê wargehê re bi deqeyek rêzgirtinê destpê kir. Piştî rêzgirtinê li ser navê koma 142’yan Şîlan Bayar daxuyanî da.
Şîlan Bayar da zanîn ku Rêber Apo bi keda xwe ya 52 salan îmha û înkara li ser gelê Kurd da rawestandin, her wiha jina ku hezaran salan hatî kolekirin û metakirin, carek din derxist ser dika dîrokê û xist nava têkoşîna xwe bûyînê. Di dewamê de wiha got, “Me jin û ciwanan bi keda Rêbertî, şehîdan û tevgera azadiyê xwe nas kir.
Hêza emperyal di Rojhilata Navîn de ji bo bikaribe serdestiya xwe li ser herêmê bikin herdemî, hemû aliyên ku ji bo xwe asteng dibînin, ji holê radikin. Berî 27 salan bi heman fikirî Rêber Apo dîl girtin, 26 salan Rêbetî di bin tecrîdek mûtlaq de hat hiştin. Di encama 27 salan de Rêbertî bi dewletê da fêmkirin ku hebûna Tirkan ne bi tunebûna Kurdan, berovajî dikare bi hembûna Kurdan gengaz bibe. Bi sebrek mezin kêlî bi kêlî rêya çareseriyê da avakirin.”
Çalakî bi berzkirina dirûşmeya “Bijî Serok Apo” dewrî koma nû hat kirin.
