Li navçeya Bazîd a Agiriyê “Civîna Aştî û Civaka Demokratîk” hat lidarxistin. Civîn veguherî şahiyê. Şêniyên ku beşdarî şahiyê bûn, destnîşankirin ku ew xwedî li “Banga Aştî û Civaka Demokratîk” derdikevin û li qadê dirûşmeyên aştî û azadiyê deng veda.
Civîna ku ji aliyê rêxistinên navçeyê yên DBP û DEM Partiyê, Tevgera Jinên Azad (TJA) û Komaleya Ziman û Çandê ya Zana Ararat hate organîzekirin, li Parka Şaredariya Bazîdê pêk hat. Bi sedan kes beşdarî civînê, pankarta “Civîna Aştî û Civaka Demokratîk” hate vekirin û gelek caran dirûşmeya “Jin, Jiyan, Azadî” hate berzkirin.
Parlamentera DEM Partî ya Agiriyê Heval Bozdag anî ziman ku aştî ne pêvajoyek bi yek alî ye û wiha got: “Gelê Kurd ji bo aştiyê amade bû. Ev gel ji bo rûmeta xwe têkoşînê meşand û wê bimeşîne.”
Beşdaran piştî axaftinan li ber stranan govendê gerandin. Girseyê di dawiya çalakiyê de ji Parka Şaredariyê heta avahiya DEM Partî ya navçeyê meşiyan. Di tevahiya meşê de dirûşmeyên “Ji şer re na, a niha azadî” û “Rêbertî re azadî” hate berzkirin.
