Li gorî şêwirmendê dîplomatîk ê Serokê Dewleyê yê Rusyayê Yurî Uçavkov tê payîn ku ev hevdîtin di nava çend rojan de pêk were, lê hîna dîrokek nehatiye diyarkirin. Cihê hevdîtinê jî hîna nayê zanîn.
Uçakov wiha got, “Li ser pêşniyara aliyê Amerkîkayê, li ser lidarxistina civîna asta bilind a dualî di rojên pêş de hate lihevkirin.”
Her wiha hate diyarkirin ku Rusya bersivê nedaye pêşniyara hevdîtina sê alî ya di navbera Trump, Putîn û serokê Ukranyayê Volodîmîr Zelenskiy de.
Ev ragihandin çend saet piştî daxuyaniya Trump hate ku diyarkiribû dibe ku bi Serokê Dewletê yê Rusyayê Vladimir Putîn û Serokê Dewletê yê Ukranyayê Zelnskiy re ‘di demek nêzîk de” li hev bicive.
Serokê DYA’yê Trump li Ofîsa Oval li ser pirsa rojnamevanekî ku bê Putîn û Zelenskiyê civînê qebûl bikin an ne, wiha gotibû, “Îhtîmalek mezin wê pêk were.”
Rêxistinên medyayê yên wekî New York Times û CNN’ê di nûçeyên xwe yên roja Çarşemê de ragihandibûn ku Trump dixwaze di hefteya pêş de bi Putîn û Zelenskiy re hevdîtinê bike.
