Di rapora berfireh a sala 2014’an ji aliyê NY’ê ve hatibû weşandin de, rejîma Koreya Bakur bi sûcên li dijî mirovahiyê hatibû îthamkirin, sûcên hatin kirin bi yên Naziyan, rejîma Apartheid û Kmerên Sor ve anîn beramber. Hat diyarkirin ku di 10 salên derbas bûyî de rewş hîn xirabtir bûye.
Rapora nû ya Komîsertiya Bilind a Mafên Mirovan a NY’ê destnîşan dike ku li seranserî welêt kontrola dewletê ya li ser gel her diçe zêdetir dibe. Di raporê de wiha hate gotin: “Di cîhanê de ti civak ev qas rû bi rûyê zextê nîne.”
Komîserê Bilind Volker Turk ev hişyarî da: “Eger Komara Gel a Demokratîk a Koreyê li ser heman xetê dewam bike, gel wê zêdetir rû bi rûyê êş, zext û tirsê bimîne.”
Di raporê de tê diyarkirin ku cezayên îdamê zêde bûne, di aliyê xwe gihandina zanistê û azadiya îfadeyê de paşketinên cidî hene, çavdêriya teknolojîk zêde bûye û bi zorê dayîna karkirin jî zêde bûye.
