Buroya Hiqûqê ya Sedsalê daxuyaniyek weşand û got, “Gotinên qirêj ên ku provokatorekî doh li Meclîsa Tirkiyeyê bilêv kir, em weke dewama qirêjiyek ji kampanya êrîşê dibînin ku rojên dawî di şexsê Birêz Ocalan û siyasetmedarên DEM Partiyê de li dijî pêvajoya Aştî û Civaka Demokratîk tê kirin.”
Daxuyaniyê bi vî rengî dewam kir: “Em gotinê dirêj nekin: Namerdî ew nêzîkatî ye ku ji bo berjewendiyên şexsî û siyasî hewl dide aştiyê têk bibe ku bi dehan sal in ev welat bi hesreta vê hewldana aştiyê ye.
Terorîstî sorkirina şer e, ku bi quretiya serweriya nijadperest hewl dide hed dîne pêşiya Kurdan, heqaretê bike û jiyana bi hev re ya Kurd û Tirkan têk bibe.
Yên ku xwe ji xwînê xwedî dikin nûnerê wê xwestekê ne ku timî dixwazin ev welat di nava şer de be, xwe bi xwe tine bike. Ew ne nûnerên vê xakê ne!
Bila dilê gelê me rehet be. Parêzvaniya aştiyê û îradeya wê di wê asta û nirxê siyasî de ye ku provokator û provokasyonên bi vî rengî nikarin wê gemarî bikin.
Li hemberî xwînmêjan, Aştî û Xwişk-Biratî wê bi ser bikeve…”
