Hêzên hikumeta veguhêz a Sûriyeyê ku careke din agirbesta binpê kirin, berbanga vê sibehê gundewarê bakurê Siwêdayê topbaran kirin.
Hêzên hikumeta veguhêz ên li gundê Rîma Hazim bi cih bûne bi çekên giran û hawanan, gundên Selîm û Etîl ên bakur Siwêdayê dan ber topan.
Şervanên Hêzên Parastina Siwêdayê bersiva êrişê dan û şer derket. Der barê encamên şer de agahî bi dest neketin.
Ji Tîrmehê ve li Siwêdayê agirbest hatibû ragihadin. Lê hêzên hikumeta veguhêz gelek caran agirbest binpê kirin.
