Di hefteyên dawî de ji ber barana zêde ya li Başûr û Başûrê Rojhilata Asyayê bêhtirî hezar û 500 kes mirin. Hat ragihandin ku bi hezaran kes hê winda ne.
Saziya meteorolojiyê ya Endonezyayê, ragihand ku ew li bendê ne ku roja Pêncşem û Înê li sê eyaletên Sumatrayê baraneke dijwar bibare. Saziya karesatan BNPB’ê, jî diyar kir ku 776 kes mirine û bêhtirî 500 kes hîn jî winda ne.
Li gelek herêmên Sumatrayê, xetên ragihandinê û elektrîk qut bûne. Bi sed hezaran kes di stargehên demkî de dimînin.
Li Srî Lankayê herî kêm 479 kes mirine û mîlyonek û nîv kes di bin xetereyê de mane. Ev karesat ji tsunamiya 2004’an vir ve karesata herî giran e. Ji ber metirsiya baranên dijwar ên nû û hezazê ji welatiyan hat xwestin ku venegerin malên xwe. Li welat hê bi sedan kes winda ne.
Hat diyarkirin ku, barana dijwar ji ber demsala muson û guherîna avhewayê pir girantir dibe. Atmosfera germtir şilbûn û lehiyên bihêztir bi xwe re tîne.
Hikûmeta Srî Lankayê, ragihand ku ji ber karesatê lêçûna ji nû ve avakirinê gihiştiye 7 milyar dolar û daxwaza alîkariya navneteweyî kir.
