Berdevkê Wezareta Karên Derve ya Îranê di daxuyaniya televîzyona dewletê de diyar kir ku muzakere bi dawî bûne, lê hîn ne diyar e ku wê hevdîtin ji nû ve kengî dest pê bikin.
Wezîrê Karên Derve yê Îranê Abbas Arakçî diyar kir ku danûstandin di “atmosferek pir erênî” de pêk hatin û anî ziman ku ji bo pêşveçûnan “divê dîwarê bêbaweriyê were derbaskirin”.
Hat hînbûn ku alî ji bo nîqaşkirinê wê vegerin welatên xwe û piştre biryarê li ser berdewamiya hevdîtinan bidin.
Wezîrê Karên Derve yê Omanê hevdîtinên “pir cîdî” yên di navbera DYE û Îranê de kêfxweşiya xwe anî ziman.
Bedir El-Busaîdî diyar kir ku Omanê di van hevdîtinan de rolek hêsankar lîstiye û got, “Ji bo zelalkirina raman û pêşveçûnên hem Îran û hem jî DYE’yê sûdwer bû. Armanca me ew e ku wexta dema wê were dîsa bicivin û encamên li Tehran û Washingtonê bi baldarî binirxînin.”
