Şahiya mezin a Newrozê li paytexta Fînlandiya Helsînkî hate pîrozkirin. Şahî ji aliyê Navenda Civaka Demokratîk a Kurd (NCDK) ve hate organîzekirin. Ji bo cangoriyên azadiyê deqeyek rêz hate girtin. Hevserokên meclisa Fînlandiya bi xêr hatina gel kir.
Peyama hevbeş a partî û rêxistinên Kurdî hat xwendin. Çend rêxistinên dost û kesayetên naskirî peyamên xwe yên li ser Newrozê xwendin. Hunermendên muzîkê yên îsal Şehrîbana Kurdî, Ergîn Xelikan, Ehmed Dilşêr, Behzad Salimi û Fuad Gulnesab bûn. Şahiya Newrozê pir bi coşek mezin û ruhek neteweyî bi tevlîbûna Kurdên ji her çar aliyên Kurdistanê û dostên wan hate pîrozkirin. Hejmara beşdarvanan zêdeyî du hezar kesan bû. Salona Newrozê Energia Arêna. Şahî bi coşek mezin heya direngê şevê bi muzîk û govendê dewam kir.
