Daxuyaniya hevpar ji aliyê DBP, DEM PARTÎ, PARTIYA ŞOREŞGER, EHP, EMEP, ESP, SODAP, SYKP, TÎP û PARTIYA ÇEPGIRÊN KESK ve hate dayîn.
ÊDÎ DERBASÎ QONAXEKE NÛ BÛYE
Di daxuyaniya hevpar de ev yek hatin gotin: ‘’Pêvajoya ku li Tirkiyeê zêdetirî salekê ye berdewam dike, gihiştiye qonaxeke nû. Di qonaxa nû de tişta hewce ya ku divê were kirin, avêtina pêngavan e. Avêtina van pêngavan beriya her tiştî berpirsiyariya desthilatdariya siyasî ye. Desthilatdarî, pêngavên ku aşitî û demokrasiyê bixe meriyetê naavêje û pêvajoyê bes di çarçoveya ewlehiyê de sînordar dike. Hewl tê dayîn ku pêvajo bes bi gotinên niyetbaşiyê were birêvebirin. Lê belê xala gotinên niyetbaşiyê derbas bûye. Xebatên Komîsyonê jî ku weke qonaxeke pêvajoyê dihat dîtin, bi dawî bûn. Êdî li pêşiya avêtina pêngavên şênber tu astengî nemane.’’
DIVÊ SERERASTKIRINÊN YASAYÎ WERIN KIRIN
Girêdayî şert û mercan ev bang hatin kirin:
“Di destpêkê de divê sepana desteserkirina şaredariyan bi dawî bibe û hevşaredarên bi îradeya gel hatine hilbijartin vegerin ser erkên xwe.
Girêdayî Destûra Bingehîn divê biryarên Dadgeha Mafên Mirovan a Ewropayê werin bicihanîn.
Operasyonên darazê yên li ser partiyên muxalîf bi dawî bibin, gefa girtina partiyan û qeyûman ji rojevê were derxistin.
Ji bo pêkanîna sererastkirinên yasayî divê xebatên Meclîsê werin lezadin.”
DIVÊ GAVÊN ŞÊNBER WERIN AVÊTIN
Daxuyaniya hevpar a 11 partiyan bi van gotinan bi dawî bû: “Nabe ku pêvajo ji helwesta desthilatdariya siyasî ya gîroker û dudil re were hiştin. Ji bo avêtina van pêngavên şênber divê aştîxwaz werin ba hev û dengê xwe bilind bikin.
Em bang li hemû beşên civakê dikin ku li dora têkoşîneke hevpar a aştiyê mayînde bike kom bibin.”
