Gerîlayan li qada Garê ya Herêmên Parastinê yên Medyayê bi wesîleya 4’ê Nîsanê şahî lidar xist û gelek fermandar jî beşdar bûn. Gerîlayan dar çand û dilsoziya xwe ya bi Rêber Apo re anîn ziman. Daxwaza gerîlayan a ji bo azadiya Rêber Apo, bû rojeva sereke ya şahiyê.
Ji Fermandarên HPG’ê Firat Çelê destpêkê dar çand, rojbûna Rêber Apo pîroz kir û hestên xwe wiha anîn ziman:
“4’ê Nîsanê li Rêber Apo û her kesê ku xwe fedayê rêya wî kiriye, pîroz be. Rojbûna Rêbertî, rojbûna me ye. Bi saya Rêber Apo me rastiya xwe nas kir. Nêzîkatiya Rêbertî ya aştiyane û mirovî, ji her alî ve xwe nîşan dide. Tevî vê yekê jî li ser Rêbertî tecrîd dewam dike. Lê em bawer dikin ku îsal wê azadiya fîzîkî ya Rêbertî pêk were.”
Gerîlayên li şahiyê jî anîn ziman ku ew azadiya fîzîkî ya Rêber Apo dixwazin. Gerîlayan bi gerandina govendê heya şev şahî domandin.
