Li Wargeha Penaberan a Şehîd Rûstem Cudî (Mexmûrê) bi pêşengiya Tevgera Ciwanan a Mexmûrê Tûrnûvaya Futbolê ya Şehîd Baran Nujiyan hat lidarxistin. Tûrnûva bi deqeyekê rêzgirtinê ji bo giyanê şehîdan destpê kir. Piştî deqeyekê rêzgirtin li ser navê xwendekaran Rizgar Yaman axaftina vekirinê kir.
Rizgar Yaman di destpêka axaftina xwe de li ser kesayayeta şehîd Baran axivî û wiha got: “Heval Baran hevalekî enternasyolanîst û Elman bû. Tevî wê jî hate û tevlî fikir û ramanê Rêber Apo bû. Bi me re jiya û mil bi mil têkoşiya. Îro jî em li ser navê wî tûrnûvayê pêk tînin. Em şehîd Baran bi bîr tînin û bejna xwe li ber keda wan ditewînin.”
Piştî axaftinê tûrnûva bi berzkirina dirûşmeyên “Bijî Serok Apo” û “Şehîd namirin” destpê kir.

