Komîteya Ekolojî ya Partiya Jiyana Azad ya Kurdistanê (PJAK) bi boneya 5’ê Hezîranê Roja Cîhanî ya Jîngehê daxuyaniyek da.
PJAK’ê Roja 5’ê Hezîranê ya Cîhanî ya Jîngehê bibîr xist û diyar kir ku rojeke ku li bîra her kesê tîne ku axa heyîneke hevpar ya me tevahî mirovane û di nava krîzeke kûr de ye û got: “Di vê rojê de fikarên me li ser jî karesatên jîngehê ya li cîhan û bi taybet Îranê heye. Em banga hestyariyê li hemû ferd û neteweyên Îranê û Rojhilatê Kurdistanê dikîn.”
PJAK’ê bal kişand ser rewşa jîngehê ya li Îranê û got: “Rewşa jîngeha li Îranê di asteke cidî de mirov xemgîn dike. Çavkaniyên xwezayî yên Îranê bi rengeke pir lez ber bi tinebûnê ve diçin. Baskên sermayedariyê ku di rêza pêş de pasdar û hemû avaniyên dewletê bi xwezayê re di nava dijminahiyê de ye.”
PJAK’ê anî ziman ku rewşa Rojhilatê Kurdistanê ne ji ya Îranê baştire û wiha domand: “Daristanên Zagorsê yek ji girîngtirîn mîrateya cihêreng ya jîngehê ye. Niha ji hemû demê zêdetir di bin xeteriyê de ye. Bi hatina werza Havînê re ev metirsî zêdetir bûye. Hemû salê di mehên Havînê de daristanên kevnar ên berû ku çavkaniyên xwezayî ya avê ya ji bo milyonan mirovane, tên şewitandin û dibin xwelî. Rejîma Îranê ji bo pêşîgirtina vê ti gavan navêje.”
PJAK’ê wiha pêde çû: “Li gel van kiryaran, hişmendiya giştî ya qirker ya desthilatê ya li ser jîngehê û dîsa xemsariya mirovan û nehişyariya wan duqat li ser jîngehê bûye bar. Ji her demê bêhtir îro pêwîstî bi nirxandineke nû ya ‘jiyana xelet’ ya li dijî xwezayê ye, bê kirin.
Bêyî hizirîneke bingehîn a çanda takekesî, civakî û şêwazê jiyanê, ti hêviyek ji bo pêşerojê nîne. Pêwîste projeyên dij jîngehê werin rawestandin. Eger neyê rawestandin qet hêviyeke ya ji bo siberojê nîne. Em bi lez banga rawestandina hemû projeyên dijî jîngehê hene, dikin. Budceyeke pêwîst bê dabînkirin ji bo parastina daristanên Zagrosê. Amadekirina hêzên sivîl û xwe cihî ji bo vemirandina agir. Di vê çarçoveyê de bang li hemû civaka Îran, Rojhilatê Kurdistanê, saziyên civaka sivîl yên jîngehparêz û çalakvanên jîngehê dikin ku ji bo hişyarkirina civakê kar bikin. Çalakiyên xurt yên li dijî qirkirina jîngehê bên lidarxistin bikin.”
