Muxafizên Şoreşê yên Îranê bi fuzeyan êriş birin ser baregeheke Komeleya Zehmetkêşan ya li sînorê parêzgeha Silêmaniyeyê.
Endamê Mekteba Siyasî û Berpirsê Komîsyona Nîzamî ya Komeleya Şoreşgerên Zehmetkêşên Kurdistanê-Îranê Ebdulla Azerbar, têkildarî êrişê agahiyan belav kir.
Ebdulla Azerbar ji medyayê re ragihand ku danê sibehê bi 6 fuzeyan êrişî ser baregeha Zirguwêz ya li sînroê parêzgeha Silêmaniyê hate kirin.
Her wiha diyar kir ku êriş li navenda sereke ya Komeleya Şoreşgeran bû, pêşmerge di wê demê de li erk bûn. Ebdulla Azerbar da zanîn ku di encama êrişê de 8 pêşmergeyan jiyana xwe ji dest dan, hejmarek pêşmerge jî birîndar bûn ku dibe hejmara şehîdan zêde bibe.
Li gorî Rojnewsê, birîndar li nexweşxaneyê tên dermankirin, birîna du pêşmergeyan girane.
Danê sibehê bi zêdetirî 5 drone û droneyan êrişî sînorê Hewlêr û baregehên partiyên Rojhilatê Kurdistanê yên li Silêmaniyê hate kirin. Her wiha dengê teqînan li sînorê Helebceyê jî hate bihîstin.
