Komeleyê bi wesîleya 1’ê Îlonê Roja Aştiyê ya Cîhanê daxuyaniyek weşand, işaret bi şerê li Rojhilata Navîn, Ûkrayna-Rûsya û destwerdana leşkerî ya DYE’yê ya li welatên cuda û got, şer bandora herî giran li kedkaran, xizanan û gelan dike.
Di daxuyaniyê de hate ragihandin ku pêvajoya li ser bingeha pirsgirêka Kurd beriya du salan li Tirkiyeyê destpê kir derbasî qonaxeke girîng bû û hate destnîşankirin ku bêdengbûna çekan bi tena serê xwe nikare aştiyê pêk bîne.
Komeleyê ji bo aştiyeke mayinde bang kir ku rejîmeke demokratîk bê avakirin û dawî li kiryarên antî demokratîk ên weke qeyûman bê anîn. Her wiha hate gotin, rûbirûbûna bi komkujiyên dema derbasbûyî û eşkerekirina heqîqetê jî yek ji mercên bingehîn ên aştiyê ye.
