Hunermend bi rêya ANF’ê peyamên aştiyê didin û desteka ji bo Pêvajoya Aştî û Civaka Demokratîk didomînin.
Lîstikvan Selen Uçer ji ANF’ê re axivî û destnîşan kir ku Pêvajoya Aştî û Civaka Demokratîk divê bi hunerê were destekkirin.
Selen Uçer diyar kir ku huner dikare pêşdarizandinan bişikîne û got, “Huner amûreke ku dikare pêşdarizandinan bişikîne. Em hemû mînakên vê di jiyana xwe de dibînin. Ji bo hevdû fêmkirinê û peywendiya rast were avakirin, divê derî neyên girtin û her kes afirêner be.”
‘HUNERMEND DIVÊ BI BERHEMÊN XWE DESTEKÊ BIDIN AŞTIYÊ’
Selen Uçer destnîşan kir ku divê her kes ji fêrbûnê re vekirî be û got, “Pêvajoyên ku em niha jiyan dikin, wê ji aliyê dîrokê ve bên nivîsandin; niha bûyerên ku em li ser naaxivin, çîrokên kesan dibe piştî demekê em bi filmekê, pirtûkekê û lîstokekê guhdar bikin. Ez pir ji vê bawer dikim û bi vî rengî girêdayî jiyanê dibim. Huner rastiyan derdixe holê. Tişta nayê gotin, dibêje. Ez difikirim ku yek ji pêvajoyên herî girîng ji bo aştiyê, berhemên hunermendan e.”
Selen Uçer difikire ku Tirkiye dema ket pêvajoya aştiya mayînde, wê bibe welatekî hîn medenîtir û wekhevîparêz û îfade kir ku ev pêvajo wê mafên jinan jî di aliyê erênî de bandor bike.
‘DIVÊ PROJEYÊN HEVPAR BÊN HILBERANDIN’
Selen Uçer anî ziman ku hunermend divê ji bo civakîbûna aştiyê tevkariyê bikin û got, “Jixwe li ser vê xakê kar bi hev re hatine hilberandin, stran hatine gotin. Ji bo tevkariyê, divê projeyên hevpar di van rojan de zêde bibin.”
Selen Uçer bilêv kir ku divê ti kes ji bo vegotina aştiyê xwe nede paş û ev bang li siyasetmedaran kir:
“Huner evîndarê azadiyê ye. Komedyen, stranbêj, nivîskar û mirovên fikirvan azad berdin. Bila hilberandinê dewam bikin. Hunermendan rehet berdin. Ez demokrasiyeke di standartên cîhanê yên azad, wekhev û medenî de hêvî dikim.”
