MEBYA-DER ji bo şehîdên têkoşîna azadiyê ya Kurd li Cizîrê bernameya mewlûdê lidar xist. Malbatên şehîdan, nûnerên partiyên siyasî û rêxistinên girseya demokratîk û gelek kesên din beşdarî bîranînê bûn.
Hevserokê Şirnexê yê MEBYA-DER’ê Ramazan Togurlu diyar kir ku ew şehîdan bi rêzdarî bi bîr tînin û got, ew ê bibin şopdarê têkoşîna wan.
Hevserokê Bajar a Şirnexê yê DEM Partiyê Taybet Bîlgî jî îfade kir ku ew ê xwedî li mîrateya şehîdan derbikevin û got, “Rêbertî 2 sal in pêvajoya Aştî û Civaka Demokratîk daye destpêkirin. Di vê pêvajoyê de divê em destê Rêbertî xurt bikin.”
Parlamenterê Şirnexê yê DEM Partiyê Mehmet Zekî Îrmez jî destnîşan kir ku her kes divê xwedî li pêvajoyê derbikeve û bang kir ku divê azadiya gelê Kurd di aliyê hiqûqî de were mîsogerkirin û statuya Rêber Apo were diyarkirin.
Piştî axaftinan mewlûd hate xwendin. Bername bi îkrama xwarinê bi dawî bû.
