Ayhan Bayar li Girtîgeha Hejmar 1 a Tîpa T a Rihayê dihat ragirtin û cezayê wî yê 30 salan di 14’ê Nîsana 2024’an de xelas bû. Lê belê Lijneya Îdare û Çavdêriyê ya Girtîgehê tehliyeya Bayar ji bo salek û 6 mehan taloq kiribû. Duh derheqê Bayar de biryara tehliyeyê hate dayin. Piştî biryara tehliyeyê, Bayar îro ji girtîgehê hate berdan û li pêşiya girtîgehê bi girseyî hate pêşwazîkirin.
Wekîlên DEM Partiyê Newroz Uysal û Ferît Şenyaşar jî di pêşwazîkirinê de cih girtin û beşdaran dirûşma “Bijî berxwedana zindanan” berz kir.
Bayar di pêşwazîkirinê de axaftineke kurt kir û got: “Rêbertiya me hêj girtî ye û hevalên me di girtîgehê de ne. Heta ku Rêbertî û hevalên me azad dibin wê têkoşîna me bidome. Em hevalên Şêx Seîd û Seyîd Rizayan e. Em lêgerînvanên heqîqetê ne. Ev lêgerîna me dê heta dawiyê bidome.”
Piştî pêşwazîkirinê, Bayar tevî malbata xwe ber bi Silopiya ya Şirnexê ve bi rê ket.
