Piştî civînê daxuyaniya çapemeniyê hat dayîn. Bakirhan di daxuyaniyê de axivî û got, “Me bi Serokê Meclisê re nîqaşek baş kir. Me li ser rapora hevbeş û gavên ku di serdema pêş de werin avêtin nêrînên xwe parve kirin û me ramanên xwe anîn ziman.”
Bakirhan wiha domand: “Berî her tiştî, ez dixwazim bibêjim ku ev rapor girîng e. Di raporê de xalên me lihevkiribû jî hebûn û xalên em cuda difikirîn jî hebû. Li Tirkiyeyê cara yekemin 5 partiyên cuda li meclisê li ser raporeke li hev kiribûn. Berpirsyariya me hemûyan ew e ku vê pirsgirêkê çareser bikin. Çareseriya pirsgirêka Kurd ne dema niha xilasiya pêşeroja sed salên Tirkiyeyê. Rojhilata Navîn bûye qada agir. Ji bo wê jî divê em çareseriya pirsgirêka Kurd çareser bikin. Ji bo wê jî divê demildest qanûnan bên derxistin. Heta beriya beriya gavên qanûnî divê hin gavên pratîkî bên avêtin. Ji bo pêkanîna biryarên Dadgeha Mafê Mirovan a Ewropayê û bi dawî kirina sepana qeyûman ne hewceyî qanûnan e. Dikarin beriya cejnê vê yekê bikin ku gel 2 cejnan bi hev re pîroz bikin.”
