Li bajarê Debaşanê yê Silêmaniyê yê Başûrê Kurdistanê serokê Yekitiya Nîştimaniya Kurdistanê (YNK) Bafil Celal Talebanî pêşwazî li Fermandarê Giştî yê Hêzên Sûriya Demokratîk (QSD) General Mazlûm Ebdî kir.
Di civînê de ku Endamê Polîtburoya YNK’ê Qubad Talebanî jî amade bû, rewşa Sûriye û Rojavayê Kurdistanê hate gotûbêjkirin.
Fermandaêr QSD’ê Mazlûm Ebdî behsa tevlîbûna xwe di Konfransa Ewlekariya Mûnîhê de kir û guhertinên dawî yên Sûriyeyê nirxandin.
Fermandarê Giştî yê QSD’ê, ji ber helwest û piştgîriya wê di tekoşîna li dijî terorîzmê de, spasiya Yekîtiya Nîştimaniya Kurdistan (YNK) kir.
Bafil Talebanî jî diyar kir ku piştgîriya wan ji bo Rojavayê Kurdistanê wê berdewam be, heta Sûriye dibe welatek ku maf û nûnertiya hemû aliyan di nav de mîsoger dibe û hikûmetek were avakirin ku nûnertiya hemû civakên Sûriyeyê bike.
