Sadik Hasan ku li Girtîgeha Girtî ya Bi Ewlekariya Bilind a Hejmar 1 a Tekîrdagê tê ragirtin û 30 sal in girtî ye, berdana wî ji hêla Desteya Îdare û Çavdêriyê ve cara duyemîn ji bo 3 mehan hat taloqkirin. Hasan di 17’ê Çileya 1995’an de hat binçavkirin û piştre hat girtin. Di 24’ê Hezîrana 1999’an de bi cezayê hepsa heta hetayê hat cezakirin.
Desteya Îdareyê di 8’ê Çileyê de kom bû û daxwaza berdana Hasan taloqî 6 mehan kir. Herî dawî deste di 8’ê Tîrmehê de ji nû ve li hev kom bû. Desteyê, bi hinceta mayîna Hasan li qawîşa girtiyên di heman çarçoveyê de hatine girtin, biryara “Poşman nîne” da û dîsa berdana wî ji bo 3 mehên din taloq kir.
Nirxandina rewşê ya din wê di 9’ê Cotmehê de were kirin.
