Li gorî agahiyên Sefîrê Iraqê yê Enqereyê Macîd El-Lecmawî daye, Serokê Daîreya Welatên Cîran a Wezareta Derve ya Iraqê Muhammed Riza Hûseynî seroktiya şandeyê dike. Di şandeyê de rayedarên saziyên ewlekarî, koçberî, perwerde, pîşesazî û aborî hene.
Di çarçoveya serdanê de tê payîn ku peymanên di warên cuda de di navbera her du welatan de bên îmzekirin. Hat diyarkirin ku wê mijarên enerjî, bazirganî û ewlekariyê di rojeva Serokwezîr Sûdanî de cih bigirin.
Wezîrê Veguhestinê yê Tirkiyeyê Abdulkadir Uraloglu jî beriya niha ragihandibû ku wê serokwezîrê Iraqê di nava çend rojên bê de serdana Tirkiyeyê bike û Serokkomarê Tirkiyeyê Recep Tayîp Erdogan jî di nava salê de serdana Iraqê bike.
