Birîndarê bi navê Mihemed Mihemed ku yek ji ciwanên Kobanê ye, ji bo av û kehrebeya xwe li ser Bendavê bû û di êrîşa balafira dewleta Tirk de ji her du lingên xwe birîndar bû ji ANF’ê re axivî.
Mihemed anî ziman ku mafê her kesî ye ku xwedî li Bendava xwe derkeve û wiha got: “Weke gel cara sêyem me berê xwe da bendava Tişrînê. Li ser rê gelek êrîş bi balafirên bêmirov, şer, obus û hewanan hatin kirin. Êrîşekî bê serûber li ser konvoya me dihat kirin, bersiva gelê li ser rê bû jî berxwedan jiyane û ew ê teqez bigihijin bendavê. Me bi stranên xwe û dirûşmeyên xwe bersiv didan van êrîşan. Me bi moralekî mezin xwe gihand bendavê.”
Mihemed anî ziman ku 26’ê Çileyê wan ji bo pîrozkirina salvegera rizgarkirina Kobanê govend digerand, lê rastî êrîşa balafirên dewleta Tirk hatin û got, “Dema ku em hatin hedefgirtin, me di şeva 26’ê çileyê de find li ser bendavê pêxistin, da ku salvegera rizgarkirina Kobanê pêşwazî bikin. Di roja din de, me dîlana xwe gerand, me stran digotin.”
Mihemed diyar kir ku dewleta Tirk li hemberî berxwedana şervanên wan têk çûye û ev tişt got: “Berxwedaniya ku li Tişrînê dibe, nayê wesifkirin, ew berxwedaniya şerê gelê qehreman e. Li wir fedekarî tê kirin. 24 Seetan balafir lê dide, gelê me bi berxwedanî û îradeyeke ji pola li berxwe dide.”
