Dadgeha leşkerî li Komara Demokratîk a Kongoyê (DRC) ji ber sûcên şer, xiyanet û sûcên li dijî mirovahiyê cezayê darvekirinê da Serokkomarê berê Joseph Kabila.
Serokê dadgehê Korgeneral Joseph Mutombo Katalayî, ji ber sûcên qetilkirin, destdirêjî, êşkence û teşwîqkirina raperînê Kabila sûcdar îlan kir. Li gorî biryarê, Kabila wê 50 milyar dolar tazmînatê bide dewlet û mexdûran.
Kabila yê ku ji sala 2001’an heta 2019’an li ser desthilatdariyê bû, sûcdariyan der barê xwe de red kir û îdia kir ku dadwerî hatiye siyasîkirin. Hate ragihandin ku Kabila yê ku cihê wî nayê zanîn, beşdarî danişînê nebûye.
Tê payin ku ev biryar wê li Kongoyê rê li ber parçebûna siyasî yê nû veke.
